Burdaard hat goed 1200 ynwenners en leit oan de Dokkumer Ie, de farferbining tusken Dokkum en Ljouwert. Yn de simmer komme der sa’n tolvetûzen boaten troch it doarp. Tidens de Alvestêdetocht komme de riders twa kear troch Burdaard. Yn it ferline hearde Burdaard by de gemeente Dantumadiel, mar yn 1984 gie it oer nei Ferwerderadiel. Burdaard falt foar in grut part ûnder beskerme doarpsgesicht.