Stiesto iepen foar watst net kenst? Hoe tinkst oer ien dy’t oars is, tinkt of docht? Koartsein: hoe iepen is ús mienskip? Dy fraach stelt Strangers on Stage, it ynternasjonale teaterprogramma fan Ljouwert–Fryslân 2018. In jier fol mei shows foar leafhawwers fan ynternasjonaal teater, mar ek mei ynternasjonale topfoarstellingen as Slava’s SnowShow en it European Stand Up Comedy Festival foar elkenien.

Oars doare te wêzen
De foarstellingen binne skerp en konfrontearjend, betoverjend en ynspirearjend. Se binne swiid, bombastysk, lyts en yntym. Se konfrontearje it publyk mei de grinzen fan har iepenheid en roppe op om ‘it oare’ te koesterjen en sels oars doare te wêzen. En elkenien docht mei. Migranten, ûntdekkingsreizgers, ienlingen, striders, dreamers en helden mei in ferburgen skiednis; se komme allegearre op ‘e planken.

Premjêres
Strangers on Stage presintearret ferneamde, oer de hiele wrâld spyljende foarstellingen foar it earst yn Nederlân, lykas Pluto fan it Japanske Bunkamura Theatre Cocoon yn gearwurking mei de Flaamsk-Marokkaanse koreograaf Sidi Larbi.

Ek binne der foarstellingen dy’t yn 2018 harren wrâldpremjêre hawwe. Koreograaf Johan Greben fan it Israëlysk-Nederlâns koreografeduo IVGI&GREBEN komt dêrfoar nei jierren werom nei syn bertestêd Ljouwert mei de premjêre fan We Are in Trouble. Oare ynternasjonale edelstiennen, yn in ryk programma, binne Wunderbaum en Aurelien Bory

Masterclasses en workshops
Njonken foarstellingen steane der ek workshops en masterclasses op it programma foar elkenien dy’t ynteresse hat yn teater, fan professional oant amateur.

Strangers on Stage is in gearwurking fan it Nederlands Theater Festival, Stedsskouboarch De Harmonie en Ljouwert-Fryslân 2018.