Stroomopwaarts Het Nationaal Vlechtmuseum

Ea lei Súdeast-Fryslân oan see. De rivieren de Linde en de Tsjonger, dy't út de binnenlannen wei nei see streamden, foarmen in unike mar kwetsbere delta. Doe 't de diken tusken De Lemmer en Kuinre yn 1701 en 1703 fuortspielden, streamde it gebiet ûnder it sâlte wetter. 

De Lemmer en de slûzen fan Skoattersyl en Kuinre wiene de poarten nei de Hollânske stêden, dêr’t boaten fol turf har keapers fûnen, en nei de wide wrâld dêr fier foarby. Oarsom stapten hege gasten en bûtenlânske besikers oan wâl op ‘e Lemmer en reizgen stream op fan doarp nei doarp: fia De Jouwer en It Hearrenfean nei Beetstersweach, Drachten en fierder om in nije kultuer te ûntdekken. Reizgje sels Stream op, fan museum nei museum, en ûntdek (op ‘e nij) Súdeast-Fryslân.

Fiif musea yn Fryslân wurkje gear mei Tresoar om de skiednis fan it feanlânskip sichtber te meitsjen. Tresoar is it argyf foar Fryske literatuer yn Ljouwert.

It Nationaal Vlechtmuseum in Noardwâlde

Yn de eardere Ryksreidflechtskoalle stiet de top 25 fan it Noardwâlder design. De eksposysje giet oer de posisjonearring fan de ûntwerpen. Smaken en wenningynrjochtings yn Nederlân en it bûtenlân feroarje. Wat docht dat mei de wurdearring foar de Noardwâlder designs?

Iepening: 14 maaie