Unbehindere genietsje fan de stjerrehimel, wa wol dat no net? Yn Nederlân kin dat op twa plakken bysûnder goed. Dizze twa plakken fynst yn Fryslân; de Boschplaat op Skylge en yn Nasjonaal Park Lauwersmar. Dizze twa gebieten meie har Dark Sky Park neame, ‘tsjustere nachthimel’. De Dark Sky Parken binne gebieten wêr’t it sa tsjuster is datst de stjerrehimel op syn bêst belibje kinst.
De Boschplaat op Skylge is it earste Dark Sky Park fan Nederlân. Dit park is oan de eastkant fan it eilân te finen, dêr wêr’t gjin minsken wenje. It is in wier paradys wêr’st in protte fûgels fynst, mar wêr’t minsken ek wolkom binne. It is op de Boschplaat sá tsjuster dat dit gebiet heart ta de tsjustere plakken fan Europa!
Wolst de heldere stjerrehimel op Skylge besjen? Doch dan mei oan de Dark Sky ekskurzje. Elke freedtejûn kinst tegearre mei de boskwachter nei de moaiste plakken fan Skylge om te genietsjen fan de stjerrehimel.
It twadde Dark Sky Park fynst yn Nasjonaal Park Lauwersmar, op de grins fan Fryslân en Grinslân. Dit nasjonale park is in lytse oase fan relitive tsjusterens, wylst Nederlân just ien fan de meast ljochtfersmoarge lannen fan de wrâld is.
