Orte
889 bis 912 von 5241 Ergebnisse
-
Peal 1: Startpunt Kameleon
Peal 1: Startpunt Kameleon
Dit punt is ûnderdiel fan it trajekt 'It Paad Werom Terherne'. Besjoch de hiele rûte.
(harkje hjir nei it audioferhaal)
Wolkom bêste kuierder. Wolkom yn Terherne. Wat aardich datst bist! Earlik sein hie’k dy al ferwachte. Want it ferhaal gong al troch de buorren hè? Dat de poarten nei it ferline fan Terherne iepen binne. Dat lang net fertelde ferhalen no foar’t ljocht komme. (harren iepenbierje) Want dat kloppet. En ik haw der foar soarge. Ik haw dêr sa myn reden foar. De wichtichste? Om’t ik fyn dat âlde ferhalen nea ferlern gean meie.
O, nim my net kwea ôf. Ik ferjit hielendal om my eefkes oan jim bekent te meitsjen. Ik bin dyn ferteller hjoed. Ik hie -en haw noch hieltyd- in waarme bân mei dit doarp. Sa’n 400 jier lyn wenne ik hjirre. It wie in oare tiid en in hiele oare wrâld. Ik haw me altyd bekroade om de Terhernsters. Ik woe op se passe, ‘Oant yn de Ivichheid’, kin je wol sizze.
Wa’t ik krekt bin en wat dit allegear betsjut, sil tidens dizze kuiertocht dúdlik wurde. Ik warskôgje dy wol alfêst in bytsje. Want de kâns is grut dat dyn byld fan dit gewoane fryske doarpke, nei hjoed ienris en foargoed, noait mear itselde is.
Want ja, it leaflike Terherne is in plak fan kontrasten. Mei de tiid as grutste yllúzje. Neat is wat it liket.
Bist safier? Dan geane we.Rin mar nei de wâl. We steane hjir op it parkearplak by it opstapplak en foar ús leit de Alde Sânsleat. Sjoch marris om dy hinne.
De âlde Sânsleat dy’t hjir foar dy leit is in drok farwetter nei Akkrum en it Hearrenfean. It gebouke fan de Kameleon hjir efter dy, is in brêgehûs en it terrein in plak wêr’t skippen lade en losse. It is in drokte fan belang. Preammen, tsjalken, skouwen, hannel yn fan alles en noch wat. Mar ek de lêste nijtsjes út de omjouwing hearst hjirre, fan de brêgewachter en oaren. Faaks hast sels noch in boadskip…. Jou it mar troch oan him. De skippers binne dyn boadskippers en fertellers.
Sjochris nei links en rin ris in stikje by’t haad del. Oantst foar de yngong fan it lytse haventsje stietst dat oan de oare kant leit. Dat is de earste doarpsjachthaven fan Terherne. Doe in feartsje dat tagong joech foar preammen nei de lytse ‘komelkers’, lytse boeren dy’t mar in pear kij molken. De earste haven siz ik mei klam, want tsja…. Dêr is mei de lineaire tiid wol it ien en oar feroare. Terherne telt yn 2024 sa’n 11 havens en dy wurde hast allegearre brûkt foar de plezierfeart.
Dêr geane we it is 1976.
Rûn dizze tiid is men dwaande om de Nije Sânsleat te graven en sil it farferkear hjir yngripend feroarje. Sjochst dat twadde húske rjochts fan de havenyngong? Dy mei dy âlde fryske gieltsje? Yn dat húske wennet skûtsjeskipper Tjitte Jans Brouwer. In begrip yn de skûtsjewrâld en op dit stuit 85 jier âld. Op it parkearterrein hjir achter dy stiet in grutte direksjekeet dy’t brûkt wurdt troch de oannimmer fan de Nije Sânsleat. It wurk oan dizze brêge is krekt klear en de keet stiet leech. It is tongersdei 12 febrewaris, in oere as 5 moarns betiid as ik, en alle Terhernsters opskrilje fan in gi-gan-tyske knal. De keet eksplodearret en stikken dak fleane oer de Sânsleat, oer de huzen hinne en komme dêr yn de tunen del. By in grut tal huzen yn it heale doarp barste de finsters derút en ek by de horekabedriuwen oan wearskanten fan de brêge sit der gjin glês mear yn de kesinen.
It húske fan skipper Brouwer hat de grutste klap opfongen en der leit gjin dakpanne mear op it dak. De kesinen binne fyn en der leit gjin board mear heel yn de kast. In kranteman befreget de skipper en eefkes letter stiet yn de krante dat hy ‘wol sa’n 20 sentimeter optild wie’. Want Tjitte fertelde, yn it frysk mei in twinkeling yn’e eagen: Och man, ik wipte sa’n ein omheech yn de bedstee, der hie wol in jongfrommes tusken past”.
No’t de rêst werom is en it pún opromme, geane we no echt op paad. Se rêde it wol sûnder ús. Se bouwe it wol wer op.
Kom, we binne werom yn it no en rinne hjir linksôf de brêge oer it âlde doarp yn. Ik siz wol: “It âlde doarp, mar eins is dat ek in yllúsje. Do kinst dit plak faaks as it sintrum fan it doarp, mar de echte oarsprong fan Terherne leit hjir net, mar op de oare kant fan it doarp. Dêr komme we daliks. No rinne we earst nei de supermerk, wat fierderop oan de linkerhân, wachtsje dêr mar eefkes op my.
Dit punt is ûnderdiel fan it trajekt 'It Paad Werom Terherne'. Klik hjir om werom te gean nei de rûte.
vanaf jouw locatie
-
-
Venetian Gondola Tours Leeuwarden
Venetian Gondola Tours Leeuwarden
vanaf jouw locatie
-
HomeSenang
HomeSenang
vanaf jouw locatie
-
Pecorino
Pecorino
vanaf jouw locatie
-
De Fluisterboot
De Fluisterboot
vanaf jouw locatie
-
Bed and Breakfast De Wilgen
Bed and Breakfast De Wilgen
vanaf jouw locatie
-
Groepsspellen - Escape the City Hindeloopen
Groepsspellen - Escape the City Hindeloopen
vanaf jouw locatie
-
Smûkhuske
Smûkhuske
Sofort buchbar
vanaf jouw locatie
-
Borstbeeld Eise Jeltes Eisinga
Borstbeeld Eise Jeltes Eisinga
vanaf jouw locatie
-
De Stille Boot
De Stille Boot
vanaf jouw locatie
-
Appartementenverhuur De Trijehoek
Appartementenverhuur De Trijehoek
vanaf jouw locatie
-
Sanzi Yacht Charter - Lene
Sanzi Yacht Charter - Lene
Sofort buchbar
vanaf jouw locatie
-
VVV Woudsend
VVV Woudsend
vanaf jouw locatie
-
Cultureel Podium Makkum
Cultureel Podium Makkum
vanaf jouw locatie
-
The British Pub
The British Pub
vanaf jouw locatie
-
Mokkebank
Mokkebank
vanaf jouw locatie
-
Vakantieboerderij Te Hooi en Te Gras
Vakantieboerderij Te Hooi en Te Gras
vanaf jouw locatie
-
Sanzi Yacht Charter
Sanzi Yacht Charter
Sofort buchbar
vanaf jouw locatie
-
Freizeitunternehmen Meinsma
Freizeitunternehmen Meinsma
vanaf jouw locatie
-
Tjeukemeer (Tsjûkemar)
Tjeukemeer (Tsjûkemar)
vanaf jouw locatie
-
De Nôtmûne Koartwâld
De Nôtmûne Koartwâld
vanaf jouw locatie
-
Papageno Huis Fryslân
Papageno Huis Fryslân
vanaf jouw locatie
-
Fochteloërveen - Kijkscherm
Fochteloërveen - Kijkscherm
vanaf jouw locatie
-
Pata Negra
Pata Negra
vanaf jouw locatie