Ga naar inhoud
Favorieten 0

Bûtenferbliuw Boksum

Boksum

Lanlik bûtenferbliuw yn hertsje Fryslân

Rêst, romte en privacy. . . dat is Bûtenferbliuw Boksum. Mar 5
autominuten fan #Ljouwert, kulturele haadstêd fan Europa yn 2018,
#LF2018 fynst de romte en it lanlik gefoel sadatst der fuortdaliks
hielendal út bist en ta rêst komst. Us fakânsjehúske leit mei in eigen
yngong achter ús wenpleats yn it pittoreske doarpke Boksum en dêrmei
is it in ideale útfalsbasis foar fyts- en rintochten, in besite oan Ljouwert of
1 fan de oare 11 stêden, of foar in tochtsje mei de sloep op de prachtige
Fryske wetters.
It sinnige, sfearfol ynrjochte fakânsjehúske biedt plak oan 1 oant 4
persoanen en leit oan it wetter. De eardere skieppeskuorre yn ’e tún is
omboud ta moderne wente mei in entresol en is fan alle gemakken
foarsjoen. Troch in protte ruten en iepenslaande doarren ha jo út it hiele
húske wei útsjoch op de prachtige lanlike omjouwing.
Op de ûnderferdjipping is in romme wenkeamer anneks keuken. Dêr is in
twapersoansbêd en de badkeamer mei toilet te finen. Op de entresol
binne noch twa royale ienpersoansbêden. De entresol is te berikken fia
in saneamde flizotrep en is dêrmei minder goed tagonklik foar minsken
dy’t mobiliteitsproblemen hawwe of foar hiel jonge bern.
It fakânsjehúske hat 2 sinneterrassen dêr’t men oan alle kanten genietsje
kin fan alles dat de omjouwing biedt. Foaral de sinne-ûndergongen binne
fenomenaal!
Kofje, tee en farske aaikes steane foar jo klear! Ik ferwolkomje jo graach
yn Bûtenferbliuw Boksum.
Foar fragen of spesifike winsken kinne jo altyd even telefoanysk kontakt
opnimme.
Bygelyks foar it boeken fan in 5 e persoan (baby of pjut).

Foarsjennings
 WiFi
 Laptopfreonlik wurkplak
 TV

 Folslein útriste keuken mei koelkast, kombymagnetron,
ynduksje-itensiedersplaat, ôfwaskmasine, senseo kofjesetter,
wettersierder en molke-opskommer
 Handoeken, bêdeguod, sjippe en húskepapier
 Föhn
 Sintrale ferwaarming
 Strykplanke en strykizer
 Bernestoel
 Campingbedsje
 Parkeargelegenheid is fergees op it terrein fan de wenpleats
 Eigen yntree
 Bagaazje-opslach tastien foar it gemak fan de gasten as se
betiid oankomme of let ôfsette

Lokaasje
Boksum, Fryslân, Nederlân. Der is yn Boksum in ambachtlike bakker en
in doarpshûs. Op in ôfstân fan in lytse 3 kilometer is in supermerk te
finen yn it doarp Deinum.
Ferfier
Ut Boksum wei is Ljouwert binnen 5 minuten te berikken mei de auto en
op ’e fyts mei sa’n 20 minuten. Ljouwert en Snits binne ek te berikken
mei de bus dy’t de bushalte yn it doarp oandocht. Dêrneist is der de
mooglikheid om in kano te brûken, wêrmei’t Fryslân oer it wetter berikt
wurde kin.

Ofstân nei jo lokaasje:

Hjir fine jo Bûtenferbliuw Boksum

Buorren 15
9031XS Boksum
Plan dyn rûte

fanôf dyn lokaasje

Toan risseltaten