Wetterwille yn Fryslân
Wetterprovinsje Fryslân
Fryslân is dé wettersportprovinsje. Streamkes, kanalen, marren, sleatten, fearten… wy kinne noch wol even trochgean. Wy hawwe hjir mear wurden foar ‘it wetter’ as foar bôle. En dat is logysk. Wy hawwe der al iuwen mei te meitsjen. Wy hâlde de see op ôfstân, farre troch it lânskip, springe oer de sleat en sykje hieltyd nije manieren om de fuotten drûch te hâlden. Wetter is ús freon én ús fijân. En dat is it al salang’t wy ús it heuge kinne
Hichtepunten - oan en op it wetter
Sa hâlde wy ús fuotten drûch
Fryslân en wetter binne net faninoar te skieden. Ast ús sa neamst, dan binne wy wol spesjalisten yn drûge fuotten. Yn Lemmer stiet it âldste wurkjende stoomgemaal fan ’e wrâld. It Dr. Ir. D.F. Woudagemaal is al mear as tweintich jier UNESCO-wrâlderfgoed. Grutte stoomketels soargje derfoar dat it wetterpeil yn de provinsje ûnder kontrôle bliuwt. En wy stean net stil: der wurde hieltyd nije techniken ûntwikkele. It is dan ek gjin wûnder dat Ljouwert bekendstiet as European Capital of Water Technology.
-
It Woudagemaal
It UNESCO-wrâlderfgoed Ir. D.F. Woudagemaal yn De Lemmer is it grutste noch wurkjende stoomgemaal fan ’e wrâld.
-
Diken en wetterbouwurken
De Nederlannen hawwe harren hjoeddeiske foarm krigen ûnder ynfloed fan ’e see. Yn it Waadgebiet sjochst oeral de spoaren fan dat proses werom.
-
Ofslútdyk
Midden op ’e Ofslútdyk fynst de testlokaasje foar Blue Energy. Hjir wurdt eksperimintearre mei it opwekken fan enerzjy út sâlt en swiet wetter.
-
Wettertechnology
Mei Ljouwert as European Capital of Water Technology is Fryslân liedend op it mêd fan wettertechnology.
Ûntdek alles oer wettersport
-
ideale plak
Us provinsje is it ideale plak foar leafhawwers fan wettersport dy’t harren útlibje wolle. Oftst no graach seilst, kanochst of leaver in rêstige dei op it wetter hast, Fryslân hat foar elkenien wat – ek foar de hiele famylje. Fan skildereftige doarpen oan it wetter oant brede marren en fearten: der is genôch te ûntdekken.
-
Wettersport
Suppen, kitesurfe, surfe, seilje, kanoe en mear – op ús wettersportside fynst alle sporten en mooglikheden om de Fryske wetters te ferkennen
-
Oernachtsje
Koese yn in bêd dat fielt as thús, mar dan mei útsjoch oer it wetter. In plak oan in feart, in terp of in haven. Hjir leit hast alles wol njonken in sleat, dus hawwe wy in pear bysûndere oernachtingsplakken foar dy selektearre.