Untdek Britsum
Wolkom yn Britsum, in skildereftich doarpke yn de gemeente Ljouwert. Dit plak, trochweve mei in rike skiednis en omjûn troch de rêstige sjarme fan it Fryske lânskip, biedt in unike ûnderfining foar elkenien dy’t it autentike Fryslân belibje wol.
-
Skiednis
Britsum is ûntstien op in terp dy't opwurpen waard op in kwelderwal eastlik fan de eardere Middelsee. De terp datearret út de iere midsiuwen en wie frij heech. Rûn 1900 binne it eastlike en súdlike part fan de terp ôfgraven, mar de skiednis is hjir noch altyd fielt yn de struktuer fan it doarp.
-
Namme
De namme Britsum hat in djippe histoaryske betsjutting. It komt fan in delsetting (‘heem’ of ‘um’) by in brêge. De âldste fermelding komt út it jier 994, doe’t it doarp bekend stie as Bruggiheim. Yn de iuwen dêrnei feroare de namme: yn de 13e iuw as Bretzhum en Bristium, yn 1335 as Britzum, en úteinlik yn 1579 as Britsum.
-
Tsjerke
In besite oan de Johanneskerk jout ynsjoch yn de lokale kultuer en arsjitektuer. De tsjerke is in rêstich plak fol religieus erfgoed. Unyk is dat pylgers hjir oernachtsje kinne. En moarns? Dan is it earste watst sjochst: midsiuwske fresco’s op it plafond. De tsjerke leit oan de fjirde etappe fan it Jabikspaad – de Fryske rûte nei Santiago de Compostela.
Rûtes - troch Britsum
-
Foodroute Middelsee: Oud en nieuw land aan de waddenkust
Foodroute Middelsee: Oud en nieuw land aan de waddenkust
(59 km)Leeuwarden -
Landschapsvariatie door midden Fryslân - a
Landschapsvariatie door midden Fryslân - a
(21,4 km)Hurdegaryp
Yn 'e buert
- Op in kertierke riden fynst de haadstêd Ljouwert – de ideale útgongsbasis foar in dei fol kultuer, winkels en stedsferkenning
- Besykje lângoed Martenastate yn Koarnjum, mei túnûntwerp yn Ingelske lânskipsstyl
- Yn Jelsum stiet Dekemastate, fan oarsprong in aadlike wenning mei in rike skiednis
- Foar de lytskes is Doniastate yn Stiens in ideale bestimming mei in bernebuorkerij en romte om te boartsjen
