De 4 Elementen
Stroobos
Camping en Passantenhaven De 4 Eleminten leit op de grins fan Grinslân en Fryslân yn Stroobos. Mei plakken yn en oan it wetter is it in paradys foar leafhawwers fan rêst, romte en natoer. Beide meitsje diel út fan in maatskiplik projekt.
Sjoch alfêst efkes
Bekijk alle 4 foto's
Tusken it Grinsker Westerkwartier en de Fryske Wâlden leit Camping en Passantenhaven De 4 Eleminten. In noflike plak om dy werom te lûken út it drokke libben en in poerbêste basis foar stedsreizen yn Grinslân en Fryslân.
Kampearplakken oan it wetter
Camping en Passantenhaven De 4 Eleminten biedt A-klasse kampearplakken yn en oan it wetter. Lizzend tusken de natoer en lânskippen fan Stroobos is it in ideale lokaasje foar fiskers en leafhawwers fan romte, rêst en natoer.
Foarsjenningen en aktiviteiten
Beide biede ferskate foarsjenningen, lykas moderne, ferwaarme sanitêre foarsjenningen, fiskplakken, iten- en drinkmooglikheden op lokaasje en in TIP (Toeristysk Ynformaasjepunt).
Op en rûnom De 4 Eleminten fynst in breed oanbod oan aktiviteiten, lykas kreative workshops, dûns, muzyk, kuier- en fytsrûtes en beskutte fiskplakken.
Maatskiplik projekt
Unyk oan Camping en Passantenhaven De 4 Eleminten is dat se ûnderdiel binne fan in bysûnder maatskiplik projekt, dêr’t (jong)folwoeksenen mei in foarm fan autisme en/of in lichte ferstânlike beheining wenje, wurkje en leare kinne. Dyn besite helpt sa in oar.
Camping en Passantenhaven De 4 Eleminten is it hiele jier iepen en rolstoel-tagongklik.
