Lokaasjes
241 t/m 264 van 4330 resultaten
-
Jack & Jacky's
Jack & Jacky's
fanôf dyn lokaasje
-
Zeeaster en Lamsoor bij de Grië
Zeeaster en Lamsoor bij de Grië
fanôf dyn lokaasje
-
Nieuwe Leeuwarder Jachthaven
Nieuwe Leeuwarder Jachthaven
fanôf dyn lokaasje
-
Recreatiebedrijf Gouden Plakje
Recreatiebedrijf Gouden Plakje
Direct boekbaar
fanôf dyn lokaasje
-
De Kan Hoeve - Vakantiehuisje 2
De Kan Hoeve - Vakantiehuisje 2
Direct boekbaar
fanôf dyn lokaasje
-
Veerpont Fietsa Versa (Terherne)
Veerpont Fietsa Versa (Terherne)
fanôf dyn lokaasje
-
Museum 'Het Bakkerswinkeltje'
Museum 'Het Bakkerswinkeltje'
fanôf dyn lokaasje
-
De Wimpel
De Wimpel
fanôf dyn lokaasje
-
Kerk en Klokkenstoel Goïngarijp
Kerk en Klokkenstoel Goïngarijp
fanôf dyn lokaasje
-
Hervormde kerk Gerkesklooster
Hervormde kerk Gerkesklooster
fanôf dyn lokaasje
-
Waterspeelplaats de Kletspoat
Waterspeelplaats de Kletspoat
fanôf dyn lokaasje
-
Molen Windlust
Molen Windlust
fanôf dyn lokaasje
-
Holwerterpolder
Holwerterpolder
fanôf dyn lokaasje
-
Hus.frl
Hus.frl
fanôf dyn lokaasje
-
Sudergemaal
Sudergemaal
fanôf dyn lokaasje
-
Grand café De Dikke Van Dale
Grand café De Dikke Van Dale
fanôf dyn lokaasje
-
Camping Flapper - Blokhut 'Wylde Swan'
Camping Flapper - Blokhut 'Wylde Swan'
Direct boekbaar
fanôf dyn lokaasje
-
Camperplaats op de Meren
Camperplaats op de Meren
fanôf dyn lokaasje
-
Epemastate
Epemastate
fanôf dyn lokaasje
-
HippieHappyHorseTours
HippieHappyHorseTours
Direct boekbaar
fanôf dyn lokaasje
-
Theetuin en B&B 'de Theetuin'
Theetuin en B&B 'de Theetuin'
fanôf dyn lokaasje
-
Hegedyk
Hegedyk
fanôf dyn lokaasje
-
Piterkerk Lippenhuizen
Piterkerk Lippenhuizen
fanôf dyn lokaasje
-
Peal 2: Krúspunt supermarkt
Peal 2: Krúspunt supermarkt
Dit punt is ûnderdiel fan it trajekt 'It Paad Werom Terherne'. Besjoch de hiele rûte.
(harkje hjir nei it audioferhaal)
Ja, dêr bin ik wer. As it goed is stietst no op de T-splitsing yn it doarp, mei de rêch nei de supermerk. Sjoch marris rêstich om dy hinne. Do stietst no foar op in foar doarpsbegrippen ‘drok’ krúspunt. De dyk rjochting de slûs en de pier leit rjocht foar dy. De dyk nei links giet fierder de buorren yn en no wurdt it nijsgierrich. Ik sil dy útdaagje.
We gean nei it jier 1870.
In tiid fan komelkers en skippers. En in tiid fan earmoede. Dit plak, yn it sintrum fan it doarp, wurdt net bepaald troch in knooppunt fan diken, lykas dat yn de 21ste ieuw it gefal is, mar troch farwetters. Ja, do hearst it goed. De dyk links fan dy, fierderop it doarp yn en de dyk foar dy rjochting iisbaan is it farwetter ’t Far.De supermerk is ek yn dizze tiid al in doarpswinkel en eigendom fan de beurtskipper. Oan de oare kant sjochst in boerepleats. Letter sil dit de Kameleonbuorkerij wurde. No is it noch ien fan de grutste buorkerijen dy’t hjir oan it wetter leit. En dan rjochts, oan de oare kant fan it wetter, dêr sjochst in rige skippershúzen.
Tsja! It wûnder fan de tiid. De wegen fan de 21ste ieuw binne in yllúsje, as’t it de skippers fan 1870 fregest. En de farwetters krektlike goed, ast in moderne toerist deselde fraach stelle soest. Dúzelt it dy al wat?
Stek mar oer, we rinne oer it wetter rjochting iisbaan. Sjoch goed út, it kin hjir drok wêze. Foar de fitness-tastellen sjochst in grintpaad nei links. Dit geane we del.It gebied om de iisbaan hinne is allinnich mar greide en sleatsjes oant 1990. Op dat stuit it grutste en bêste stik greide fan Terherne. Der rinne sa’n 60 kij te weidzjen. Letter sil dit lân plak romje foar wetter en wurde der 250 wenten bouwd, benammen foar rekreaasje. Ik sil dy earlik sizze, dat is foar my as âld boer en hoeder fan Terherne mar dreech te befetsjen.
Ek wurdt de âlde iisbaan hjirhinne ferpleats. De Terhernster skippers binne de bêste reedriders, dus dat begryp ik noch wol.
Nei de iisbaan geane we links ôf en rinne we sa’n 30 meter fierder, oanst linksôf fan dy in grintpaad sjochst. ’t Efterom, stiet op it buordtsje. Gean dit grintpaad op. Rin mar troch safier as’t sjen kinst en dan krekt de bocht troch. Do sjochst dêr straks oan de linkerhân in grutte hege pastorij, mei in tún mei knotwylgen. Wachtsje dêr mar eefkes.
We binne noch hieltyd yn 1870. Ûnlijich waar, wyn en kjeld.
We steane hjir foar de kosterswenning, dy’t tsjin de achterkant fan de Fermanje bouwd is. De minsken binne earm. It is in tiid fan hurd wurkjen foar in bytsje jild. Dit jild foar de komelkers en de skippers. Ek hjir is allinnich mar greide, mei sleatsje der omhinne. Mear en mear skippers strûpe der ûnder (geane fallyt) en de oaren moatte hieltyd fierder en langer fuort om hannel driuwe te kinnen, troch de oanhâldende konkurrinsje. Se komme sels yn Seelân en Antwerpen telânne. Ek de komelkers hawwe it dreech. Troch de komst fan de molkfabriken, komme der hieltyd mear komelkers en dêrtroch binne de opbringsten leech en de lânpachten heech. En tel dêr noch de feepest by op. It is sels sa slim, dat in inkeling himsels ferdrinkt, nei’t er betrape wurdt by it oanlingen fan syn molke mei wetter!Mar yn dit tsjerkje en yn dizze wenning baarnt it ljocht. It is de tsjerke wêr’t Dûmny Dornseiffen preket. Dornseiffen is in man sûnder bern, mar yn syn hert is er in echte famyljeman. In goeddwaander. (goeddogger) Hy betsjut in soad foar de skippersfamyljes en harren bern en hat hert foar harren. (mient it goed mei harren.) Sa soarget hy foar in system wêrtroch de bern nei skoalle kinne as harren âlders fuort binne en se yn eigen doarp by famylje terjochte kinne. In part fan it skoaljild wurdt oan de famylje betelle, sadat se de bern, nettsjinsteande de earmoed, yn hûs nimme kinne en yn de waarmte fan harren húshâlding opfange kinne.
Ast goed sjochst, sjocht ûnder de tsjerke in kelder. Hjir mochten de skippers harren ierpels by’t winter opslaan, sadat dy ek froastfrij bewarre wurde koene.
Kom, we geane fierder dit dykje del. Oant it ein fan dit skelpepaad stopje we eefkes. Dêr fertel ik dy in oar ferhaal en silst merke yn wat foar rauwe tiid we hjir belibje dat in soad yndruk makket.
Dit punt is ûnderdiel fan it trajekt 'It Paad Werom Terherne'. Klik hjir om werom te gean nei de rûte.
fanôf dyn lokaasje
-