It Woudagemaal ûnder stoom
Lemmer
Wylst moarns ier dikke stoomwolken opstige yn de frisse bûtenloft, ûntwakket it grutste noch wurkjende stoomgemaal fan ’e wrâld.
Sjoch alfêst efkes
Dit binne mominten dêr’tst it gemaal net allinnich besjochst, mar echt belibbest. Op dizze dagen steane de doarren tusken 10.30 en 17.00 oere wiid iepen foar elkenien dy’t dit yndrukwekkende skouspul fan tichtby meimeitsje wol.
It Ir. D.F. Woudagemaal is eigendom fan Wetterskip Fryslân en wurdt twa kear yn it jier opstart om stokers en masinisten goed taret te hâlden. Dat is fan grut belang, want by ekstreme heechwetter wurdt it gemaal noch altyd ynset om Fryslân drûch te hâlden. Mear as hûndert jier âld en noch altyd fan grutte wearde.
Dyn besite begjint yn it besikerssintrum, dêr’tst op ynteraktive wize mear learst oer wetterbehear, klimaatferoaring en de karren dy’t dêrby hearre. Dêrnei nimt in frijwillige gids dy mei it gemaal yn. Dêr sjochst, hearst en fielst hoe krêftich dit stoomgemaal noch altyd is. In ûnderfining foar jong en âld.
Komst del tidens de draaidagen?
Sjoch op de webside foar mear ynformaasje en regel dyn tickets foar in bysûndere ûnderfining.
Tink derom: by ekstreme heechwetter kin it gemaal ynset wurde foar syn echte taak. Yn dat gefal geane de draaidagen net troch. Hâld dêrom altyd de webside of sosjale media yn ’e gaten.
Hjir fine jo
It Woudagemaal ûnder stoom
8531 PS Lemmer Plan dyn rûte naar It Woudagemaal ûnder stoom
fanôf dyn lokaasje
