De Snitswike is it ultime simmerfeest foar wettersportleafhawwers en feestgongers. In wike lang stiet Snits yn it teken fan spektakulêre sylwedstriden, brûzjende festiviteiten en tal fan aktiviteiten foar jong en âld. Oerdeis genietsje fan de wedstriden op it Snitsermar en jûns los op de muzykpleinen yn ’e stêd.
Iepening mei Floatshow
De Snitswike begjint tradisjoneel op de earste sneon fan augustus. De festiviteiten sette al útein op freedtejûn mei de offisjele iepening en de floatshow. By dizze seremoanje wurde de ‘Boat fan it Jier’ en de ‘Skipper yn de Oarder fan de Snitser Panne’ presintearre, wylst tsientallen prachtich ferljochte skippen troch de grêften farre.
Sylwedstriden: sport en sfear
De Snitswike is it grutste sylbarren op binnenwetter yn Europa. Sylers út erkende klassen stride op it Snitsermar om de winst, mei it Starteilân as kloppend hert. Pak de pont nei it eilân en fiel de wedstriidsfear fan tichtby.
Feest yn ’e stêd
Nei in dei op it wetter ferhuzet de gesellichheid nei it sintrum fan Snits. Op ferskate muzykpleinen binne live-optredens yn ferskillende muzykstilen. Ek de kafee’s soargje foar muzyk en ferdivedaasje.
Strjitteater en bern
Tidens de Snitswike feroaret Snits yn in grut poadium. Strjitteater út binnen- en bûtenlân soarget foar ferrassend fermaak. Foar bern is der de Snitswike-bernmiddei mei spul, wille en aventoer.
Snitswike-kermis
Fan freedtejûn oant en mei tongersdei is op it Martiniplein de Snitswike-kermis. Mei spannende attraksjes en fertroude klassikers is der wille foar elkenien.
Wettersport en wille
De Snitswike stiet yn it teken fan wetterwille. Doch mei oan de rubberboat-race troch de Snitser grêften of ûntdek de stêd fanôf it wetter by in ûntspannen suptocht.
Hardzeildagbraderie
Op woansdei feroaret it sintrum fan Snits yn in grutte iepenloftmerk. Slenterje lâns de Hardzeildagbraderie mei klean, accessoires, streekprodukten en folle mear.
Foar it syljen, de muzyk, it strjitteater of de kermis, de Snitswike bliuwt dy by.
