It Waad docht wat mei minsken
Elk dy’t oer it wetter fart, oer in sânplaat rint, troch de kwelder of by de seedyk del, fielt dêr wat bysûnders by. Guon sykje unike natuerwearden, oaren de âlde ferhalen of wittenskiplike ûntdekkings. Al dy ûnderfiningen jouwe it Waad har unike wearde foar minsken, en dat is wat ‘dielers’ fan de byienkomst ‘Diele fan it Waad’ mei inoar útwikselje.
Op de dei fan it Waad, op sneon 27 juny, wurdt elkenien útnûge om it Wrâlderfguod mei inoar te fieren. Dit jier fynt de tredde edysje fan Diele fan it Waad plak op ’e seedyk by restaurant De Zwarte Haan. Om fan Waad te priuwen fersoargje sy in Wolkomstdrankje en in hapke fan streekprodukten.
De jûn duorret fan 19.30 oant 22.00 oere, krekt yn it gouden tiidsspan dêr’t it publyk in prachtige sinsûndergong oer it Waad belibje sil. De natuerlike skjintme fan de lokaasje op de seedyk foarmet de rêchbonke fan ’e jûn, dêr’t ferbining mei minsk en natuer sintraal stiet.
It muzikaal trio Solanum nimt it publyk mei yn in sfearfolle en rauwe muzikale storytelling oer it libben fan de leppelbekfûgel; Solanum. Dêrby drage ferneamd fryske dichters Elmar Kuiper, Lara Kool, Geart Tigchelaar en Christa Niklewicz harren fersen foar, spesjaal skreaun foar de jûn, oer ferbining mei, ferlangen nei en ferwûndering foar it Waad.
Besikers kinne genietsje fan de muzyk en foardrachten, en as ôfslúter fan ‘e jûn is it iepen-mic-momint. De frije romte om ta eare fan it Waad in eigen ferhaal, gedicht as gefûl te dielen mei inoar. Want: mei inoar – foar it Waad.
Nei it programma is elkenien is wolkom by restaurant De Zwarte Haan.
Tagong is fergees, mar oanmelding foarôf is wichtich wegens in beperkt oantal plak. Dat kin fia ûndersteand formulier:
https://forms.gle/ibsaNTAhjoVMe2Kp6
