Kletterdei 2026
11Fountains Dokkum, Dokkum
Fier mei de seizoensiepening fan it ynternasjonale keunstprojekt 11fountains. Op freed 20 maart iepenet Dokkum de perioade dat de alve fonteinen wer kletterje, spuitsje en nevelje.
Sjoch alfêst efkes
De maitiid begjint yn Dokkum. Belibje in dei fol moeting, kreativiteit en spektakel rûnom de Iisfontein.
Kletterdei
Yn de winter steane de fonteinen út. Dan binne se allinnich as keunstwurk te besjen. Op Kletterdei fiere wy mei in feestlike iepening dat de fonteinen wer oangeane. Dit jier fiere jo dat mei yn Dokkum.
Programma
Moarnsiten fan Ferbining
08.00 – 10.00 oere | Grutte Tsjerke
De dei begjint yn de Grutte Tsjerke mei in fergees moarnsiten. Elkenien is wolkom om te genietsjen fan in sûn moarnsiten, fersoarge troch ûndernimmers út de gemeente. Under it moarnsiten folje musisy fan Opus 3 de romte mei waarme, sfearfolle muzyk. Ek draacht stêdstichter Warner Banga gedichten foar yn it Dokkumer dialekt.
Elkenien is wolkom. Dielname is fergees, oanmelde is ferplichte en kin oant en mei 13 maart fia de reade knop ûnderoan de side.
Skoalprojekt: Fan Iis nei Wetter
13.00 – 14.00 oere | HEMA Dokkum, Hoogstraat 18
De learlingen fan PRO Dokkum wurkje oan in eigen ynterpretaasje fan de Iisfontein. Se ferdjipje har yn de rol fan wetter, klimaat en feroaring troch ferskate útstapkes te meitsjen. Ek krije de learlingen in blik efter de skermen by de Iisfontein fan Birthe Leemeijer. Mei in soad kreative frijheid yn materiaal en foarm wurkje de learlingen oan in eksposysje dy’t sjen lit hoe’t jongeren keunst en technyk brûke yn relaasje ta it tema ‘feroaring’. De eksposysje wurdt feestlik iepene troch de berneboargemaster Menthe van der Zee en is fan Kletterdei oant en mei 3 april te besjen yn de etalaazje fan de HEMA oan de Grote Breedstraat 16.
Dit projekt wurdt mooglik makke troch Gemeente Noardeast-Fryslân, Stichting De Groen Kunst & Cultuur, Kennislab Noordoost Friesland en Stichting Talentenwerkplaats.
Nacht fan it Elemint
19.15 – 19.45 oere | Merk
Kletterdei wurdt lústerich en betoverjend ôfsletten mei in iepenbier jûnsprogramma op de Merk. In opzwepende dûnsperformance mei ljochtkeunst, muzyk en sels fjoer soarget foar in totale belibbing. Kâld en waarm, tsjuster en ljocht komme byinoar yn in spul fan eleminten. Dy jûn wurdt it slot fan de Dokkumer Winterwiken en fan it Kletterprogramma fierd.
Hier vind je
Kletterdei 2026
11Fountains Dokkum
9101 LS Dokkum Plan dyn rûte naar Kletterdei 2026
