Start en finish binne by it klubgebou oan de Zijlroede. De rûte is sa’n 22,4 kilometer lang. De roeiers ûnderfine dizze wedstriid as ien fan de swierdere trajekten fan it sloeproeiseizoen. Dat seit genôch yn in sport dy’t safolle krêft en trochsettingsfermogen freget. Foar taljochting yn ferbân mei corona, sjoch de webside fan de organisaasje.
Felle striid
By it Iepen Frysk Kampioenskip Sloeproeien yn Lemmer giet it der serieus oan ta. Teams stride om de beker fan dizze wedstriid. De prestaasjes yn Lemmer telle ek mei foar it Nederlânsk Kampioenskip fan de Federaasje Sloeproeien. Boppedat brûke teams dizze wedstriid as tarieding op de Keninginnetocht en de Harlingen-Terschelling Race, fjirtjin dagen letter.
Start en finish
De wedstriid begjint om 12.30 oere yn de Zijlroede by it klubgebou fan WSV De Zevenwolden oan de Plattedyk 2 yn Lemmer. Om sa’n 15.00 oere wurdt dêr ek de finish ferwachte. Parkearje kin it bêste efteroan op it grutte parkearterrein by it strân.
Bêste spotplakken ûnderweis
Yn de Brekkenpolder, benoarden Lemmer, by de brêge fan de Doraweg oer de Riensleat. Hjir moatte de roeiers faasje mindere foar de brêgepassaazje en dêrnei wer fol krêft op gong komme, likernôch in heal oere nei de start.
Op wei nei de finish komme de roeiers lâns it fytsponkje oan de ein fan de Doraweg.
