Toeristysk Ynformaasjepunt Drachten
Drachten
Toeristysk Ynformaasjepunt mei allerhanne ynformaasje oer Drachten, de gemeente en de regio.
Sjoch alfêst efkes
Drachten is nei Ljouwert it grutste plak fan Fryslân en de haadplak fan de gemeente Smellingerlân. Drachten is in gesellich plak mei in soad winkels, boetieks en terrasjes. It plak kenmerkt him troch de gesellige wiken en buerten, lykas de Papegaaienbuert. Yn dizze buert binne allinnich primêre kleuren brûkt by it skilderjen fan de huzen, wat resultearre hat yn in kleurryk gehiel. Alhiel neffens de regels fan De Stijl.
In protte minsken freegje harren ôf oft Drachten no in stêd of in doarp is. Dat kin komme omdat Drachten net ta de alve stêden fan Fryslân heart. Drachten is ûntstien út it gearfoegjen fan twa doarpen: Noorder- en Suyderdragten. Tuskentiid lei der in trochgeande wetterwei, dy’t yn 1641 oanlein waard en yn de jierren sechtich fan de foarige iuw dempt is. De doarpen groeiden nei elkoar ta by de feart, en sa ûntstie Drachten. It plak groeide pas echt doe’t Philips hjir in fabryk boude. De wurkgelegenheid luts nije ynwenners oan en tsjintwurdich kin Drachten him mei rjocht in stêd neame.
Yn en om Drachten is fan alles te finen, sawol foar toeristen as foar de eigen ynwenners. Der binne prachtige kuier- en fytsrûtes, ferburgen pearels en moaie natoer. Ek Museum Dr8888 en skouboarch De Lawei meie net ûntbrekke. Keunst en kultuer nimme, ek troch de ynfloed fan De Stijl, in wichtige plak yn binnen Smellingerlân. Yn de hiele gemeente binne galeryen te finen en iepenbiere keunstwurken binne oeral sichtber. En wisten jo dat Drachten ek in rike yt- en eetcultuer hat? De gemeente wurdt troch Platform Gastfrij Smellingerlân net foar neat Smullingerlân neamd.
Hjir fine jo Toeristysk Ynformaasjepunt Drachten
TIP DrachtenMuseumplein 2
9203 DD Drachten Plan dyn rûte naar Toeristysk Ynformaasjepunt Drachten
fanôf dyn lokaasje
