Burgum
Burgum
Burgum is, foar Fryske begripen, in grut doarp mei hast 10.000 ynwenners. It hat twa gesichten. It leit midden yn it beskutte coulisselânskip fan de Fryske Wâlden, mei houtwâlen en smelle paadsjes. Tagelyk is Burgum in echt wettersportdoarp.
Sjoch alfêst efkes
Burgum is de offisjele namme. Yn de gemeente Tytsjerksteradiel steane de Nederlânske nammen ûnder de Fryske op de plaknammebuorden.
Oan de eastkant fan it doarp leit it Burgumer Mar. It Prinses Margrietkanaal rint sels troch it doarp hinne. It Hendrik Bulthuis Akwadukt giet ûnder it kanaal troch, en der is ek in brêge, de Burgumerdaam. Fanút Burgum farst sa nei De Leijen of rjochting Nationaal Park De Alde Feanen.
Oan de eastkant lizze natuergebieten as de Soestpolder en it Noordermeer. By de Ritskeloane fynst moaie fyts- en ruterpaden yn in beskutte omjouwing. Oan de westkant leit natuergebiet De Dobben.
Yn de omkriten fan Burgum lizze ferskate pingoruïnes. Dat binne sirkelrûne kraters út de lêste iistiid.
Burgum hat fan alles te bieden: leuke winkels, gesellige horeca, bed & breakfasts, in jachthaven en in fakânsjepark. Der wurde eveneminten organisearre lykas ‘Moai Fuort’. Ek is der in stjerrewacht mei planetarium: it Observeum. Tiid om Burgum te ûntdekken.
