BnB Slaap Lekker
Dokkum
Appartemint (4 pers.) mei terras oan it park, 15 min. kuierje fan it stedssintrum. Gjin dielde romten. Unbeheind kofje en tee, moarnsiten is by te boeken. Eigen parkearplak, eigen yngong, sliepkeamer, lúkse badkeamer, wenkeamer mei sliepbank, ythoeke en iepen keuken.
Sjoch alfêst efkes
Bekijk alle 8 foto's
Oan de râne fan it stedsje Dokkum, ien fan de histoaryske Fryske Alve Stêden, leit B & B Slaap Lekker. It folweardige appartemint (50 m 2) leit oan it park, op noch gjin 20 minuten rinnen fan it pittoreske stedssintrum. Der is sliepromte foar maks. 4 persoanen (in ekstra lang twapersoans boksspring en in twapersoans sliepbank).
Kinst fergees parkearje op eigen hiem en it appartemint hat in eigen yngong. De romme wenkeamer biedt in smûke húslike sfear en de keuken is fan alle gemakken foarsjoen. Kofje en tee binne ynbegrepen, lykas it bêdeguod en handoeken. Wifi is fergees, en kinst ek kosteleas fan streaming fideotsjinsten gebrûk meitsje (Netflix en Prime).
It terras makket it fakânsjegefoel kompleet. De fluitsjende fûgeltsjes, neat as grien om dy hinne. Je soene hast ferjitte dat je dochs echt YN Dokkum binne. It park dêr't je op útsjogge is it grutste fan Dokkum. Beammen en fivers, kuierpaden en fiskstegers. Lanlik en rêstich, en dochs net ôfhandich.
Dokkum stiet bekend om syn moaie bolwurken, de troch histoaryske pannen en mûnen omjouwe grêften, de IJsfontein en de Bonifatiuskapel. Mar ek de hearlike terraskes en smûke winkelstrjitten binne in besite wurdich. Foar de leafhawwer binne der ek meardere brouwerijen te besykjen en te bepriuwen.
Dokkum is boppedat geunstich lein foar in kuier by Wrâlderfguod Waadsee, in besite oan de waadeilannen of Nasjonaal Park Lauwersmar (20 minuten). It boskrike Park Vijversburg (yn de folksmûle de Bosk fan Ypey - 15 minuten) en it natuergebiet It Bûtefjild (15 minuten) binne ek yn hânberik, lykas de Fryske haadstêd Ljouwert (20 minuten).
- Akkommodaasjetype:
- Fakânsjehûs
