Park Vijversburg
Tytsjerk
Park Vijversburg is ien fan de ferburgen pearels fan Fryslân en leit tichtby Ljouwert. Yn it park fan mear as 30 hektare fol keunst, kultuer en aventoer fielst dy fier fan de stêd. It park is alle dagen iepen fan 8.00 oant 18.00 oere.
Sjoch alfêst efkes
Bekijk alle 7 foto's
It park bestiet út fjouwer parten. It histoaryske part is foar in grut part oanlein yn de 19e iuw. Besikers kinne kuierje oer slingerjende paadsjes en genietsje fan Villa Vijversburg, de grot, klúznershutte, oranjerie mei kaktussammeling, fûgelkoai en byldzjende keunst.
De lêste jierren binne trije nije parten tafoege: Ooievaarsnest, Frijlân en Dwaalster. Yn it Ooievaarsnest leit in ûntdekkingstún fan de Dútske keunstner Tobias Rehberger, mei as titel “get lost on the way home, finding ways in the nothingness”. It is in tún fol ferrassingen, sûnder dúdlike paden, mei tunnels, heuvels, in wetterplak en in bysûndere beamkehutte.
Frijlân is spesjaal foar bern. Hjir meie se de natuer ûntdekke, flechtsje tusken de wylgen, kliedere by it wetter of mei in flot it wetterlabyrint ferkenne. Op de heuvels bloeit beplanting fan Piet Oudolf. Dwaalster is in kombinaasje fan in stjerrebosk en in doalhôf, mei hege hagen en iepen romtes om yn om te swalkjen.
It hert fan it park wurdt foarme troch Villa Vijversburg, mei in teeskamer. Nêst de filla leit in glêzen paviljoen dêr’t tentoanstellingen, konserten en workshops organisearre wurde.
It park is it hiele jier iepen fan 8.00 oant 18.00 oere. Foar de teeskamer jilde oare iepeningstiden.
