Sla kaart tab stops over

Elfstedenfytsroute

(258 km)

De tocht der tochten is fansels dy lâns de Alvestêden! Net allinne foar reedriders, mar ek foar fytsers. Oer in ôfstân fan goed 255 kilometer genietest fan it wrydske Fryske lân. Do startst en einigest yn prinsipe yn Ljouwert en fytst mei de klok mei, mar oarsom mei ek. Kinst de tocht yn elk plak oppakke fansels of in part fytse. Elke stêd hat har eigen sjarme. Ek de grutte ferskilt; Sleat telt 900 ynwenners, Ljouwert hat er mear as 90.000. Alle Alvestêden besykje is Fryslân pas écht belibje. En tusken dy stêden troch sil it ôfwikseljende lânskip fan Fryslân mei in soad wetter, prachtige fiergesichten, romte en frisse lucht dy fernuverjen bliuwe.

Lokaasjes op dizze rûte

Begjinpunt:

Verlaatsbrug
8913 HB Leeuwarden

Snits

Alvestêdestêd Snits is in libbene stêd yn Súdwest-Fryslân mei in grut ferskaat oan winkels en in soad gesellige terraskes yn it sintrum.

Drylts

Alvestêdestedsje Drylts leit tichtby Snits en stiet bekend as de houtstêd fan Fryslân.

11Fountains Drylts

Neffens Shinji Ohmaki foarmet kultuer him, lykas de natuer, laach op laach. Nije generaasjes bouwe hieltyd fierder op in grutte ûnderlaach dy’t net ferdwynt.

11Fountains Snits

Op in gouden bol midden yn it wetter stiet in man mei in Hoarn fan Oerfloed.

Sleat

Sleat is in mini-Alvestêdestedsje yn de Súdwesthoeke fan Fryslân dat sa yn in printeboek opnommen wurde kin.

11Fountains Sleat

Ljip’ lit in famke sjen dat op ’e skouders fan in man stiet. Sy hâldt in fûgel yn ’e hân. Under de fuotten fan ’e man foarmet in sloardige steapel amers, jerrycans en tobben de basis fan ’e fontein.

Starum

Starum is it âldste Alvestêdestedsje, leit oan it Iselmar en is in echte bestimming foar wettersporters.

11Fountains Starum

De see jout, de see nimt. Starum, ea in rike Hânzestêd, kin dêroer meiprate. Oerstreamingen, seehannelsoarloggen, in haven dy’t fersâne: meardere kearen ferfoel de stêd ta earmoed.

Hylpen

Hylpen is in hiel pittoresk Alvestêdestedsje oan it Iselmar yn Súdwest-Fryslân. Selden sjochst sa’n sfearfol haventsje.

11Fountains Hylpen

Ynspiraasjeboarne foar de fontein fan Hylpen is de libbensbeam op it stedswapen, mei twa harten, oan wjerskanten ien, in mantsje en in wyfke.

Warkum

Warkum is in noflik Alvestêdestedsje yn Súdwest-Fryslân, langrutsen fan foarm mei hielendal oan de westkant it Iselmarstrân.

11Fountains Workum

Al iuwen wurdt it stedswapen op ‘De Waag’ fan Warkum stipe troch twa liuwen. Sy dogge nayf oan en harren teätrale poaze makket dat wy laitsje moatte.

Boalsert

Boalsert is binnen de Alvestêdekrite in wat gruttere stêd mei ferskate winkels, restaurants en moaie besjenswurdichheden.

11Fountains Boalsert

Flearmûzen binne yntrigearjende, nuttige bisten dy’t mei harren jacht op ynsekten krúsjaal binne yn it ekologyske systeem. De flearmûs stiet yn ’e Aziatyske kultuer symboal foar rykdom, gelok en in seine âlderdom.

Harns

Harns is de Alvestêdestêd oan it Waad. In prachtige stêd mei in nautysk hjoed en ferline, boud op ’e boaiem fan de âlde see.

11Fountains Harns

Ea stie Harns yn it teken fan ’e walfiskfangst. Tsjintwurdich stribje wy der net mear nei om dy grutte en ymposante bisten te deadzjen, mar krekt om se fan ’e dea te rêden.

Frjentsjer

Frjentsjer is in boeiende Alvestêdestêd mei in ryk universiteitsferline. Jierrenlang wenne en studearre hjir in grut tal studinten, ûnder wa bekende nammen lykas Descartes.

11Fountains Frjentsjer

De fontein is in oade oan ’e wrâldferneamde, yn Frjentsjer berne, astronoom Jan Hendrik Oort. Syn ûnderstelling dat der om ús sinnestelsel hinne in ‘wolk’ fan miljarden komeeteftige objekten him beweecht, betsjutte in trochbraak yn ’e astronomy.

Dokkum

Dokkum is de noardlikst lizzende Alvestêdestêd. De stêd ûntstie doe’t dit plak in beafeartsoard waard nei de moard op Bonifatius yn 754.

11Fountains Dokkum

De IIsfontein is in spylbal fan de eleminten en gjin dei gelyk. IIs tekenet patroanen op it koperen fel fan ‘e skulptuer. De mjitte wêryn’t de fontein al of gjin iislagen foarmet, is ôfhinklik fan de sinne, luchtfochtigens, temperatuer, wyn en delslach.