Teksel

Op 20 minuten farren fan it fêstelân it gefoel krije datst op fakânsje bist, dat kin op Teksel! Teksel hat ûnder oaren sân gesellige doarpkes, seis museums en goed 30 kilometer oan strân.

IT EILÂN

TEKSEL

Teksel is it grutste fan de fiif Waadeilannen. It eilân heart by de provinsje Noard-Hollân en is dan ek te berikken fanôf it Noard-Hollânske plak Den Helder. Teksel hat poerbêste fytsmooglikheden en hat goed 140 kilometer oan fytspaden, mei ferskriklik moaie rûtes wêr’st lâns de Waadsee oer de dyk fytse kinst, troch de doarpen of troch de prachtige natuer.

Belibje en ûntdek

Op Teksel is der altyd wat te dwaan. Alle jierren is der ‘de omgong om Teksel’, de grutste katamaranrace fan de wrâld. Yn juny is it de jierlikse Kultuermoanne op Teksel en is der fan alles te dwaan op it mêd fan keunst, muzyk en kultuer. Septimber stiet alle jierren yn it teken fan Teksel Kulinêr, in moanne fol mei pleatslike kulinêre hichtepunten. As ôfslúter fan dit rychje eveneminten fynt der om de trije jierren de Texel Airshow plak, in grut evenemint mei shows fan histoaryske en moderne loftfartugen

LEKKER RÊSTICH OAN

De ferhalen fan Teksel fynst werom yn de ferskate museums en besikerssintrums op it eilân. Bygelyks yn Kaap Skil, it juttersmuseum. Hjir ûntdekst alles oer strânjutters en de fiskerij. Ek is in besyk oan Ecomare in hiele aardichheid. Hjir kinst seehûnen, brúnfisken en oare seebisten fan tichtbij besjen. Fierder fynst op it eilân noch in loftfart- en oarlochsmuseum, in skipbrekmuseum en in kultuerhistoarysk museum.

AktyF

Ast graach in aktive fakânsje wolst, bist op Teksel op it juste plak. Der binne talleaze mooglikheden om it wetter, de natuer en it eilân sportyf en aktyf te ferkennen. Wolst it wetter op? Dan is katamaransile of surfe perfoarst in oanrieder. Hast leaver in kick op grutte hichte, kies dan foar in parasjutesprong fanôf Airport Texel. Ek kinst op Teksel binnendoar en bûtendoar karte mei snelheden oant wol 70 km de oere.