Het Lage Noorden

Marrum

Het Lage Noorden is dé moetingsplak oan de Fryske Waadkust foar keunstners, buertbewenners, fytsers en kuierders, kampearders, logees, libbensgenietsjers en keunstleafhawwers.

Sjoch alfêst efkes

Bekijk alle 7 foto's

Het Lage Noorden leit op in bysûndere lokaasje oan it Noorderleech, tusken Swarte Haan en Holwert. Der is in útsjochttoer mei in prachtich útsjoch oer de Waadkust. As jo fan it terrein ôf rinne, steane jo sa yn de kwelder. Op it terrein fine jo ateliers en wurkplakken en jo kinne der noflik oernachtsje. It is ek in plak om te ûntspannen en te genietsjen fan in lekker bakje kofje of in stevige lunch. Binne jo in lange-ôfstânskuierder en binne wy net iepen? Bel gerêst oan, de kâns is grut dat wy kofje mei wat lekkers foar jo hawwe.

Skriuwershûskes
Yn ús sfearfolle skriuwershûskes kombinearje jo komfort mei it bûtengefoel, it hiele jier troch. Wolle jo dochs wat mear fan it bûtenlibben en sels itensiede? Dat kin. Wy beskikke oer twa noflike skriuwershûskes mei in eigen keukentsje en sanitêr, goede bêden en in sfearfolle ynrjochting. Se binne it hiele jier beskikber, goed isolearre en foarsjoen fan in gesellige pelletkachel.

Camping
It moaiste plak fan Het Lage Noorden is bûten. Moaie fiergesichten, in einleaze stjerrehimel, skiep op ’e dyk, alles komt foarby by jo tinte of caravan. Fan 4 july oant 31 augustus is de camping iepen en ferwolkomje wy jo graach op ien fan de 15 plakjes. Fytsers en kuierders mei in trekkerstintsje kinne it hiele jier troch terjochte. Natuer- en keunstleafhawwers, rêstsykjenden, keunstners en harren assistinten, toanielgeselskippen, neam mar op. Gjin massatoerisme, mar kleinskalich. Gjin glamping, mar wy begripe bêst dat wat ekstra’s noflik binne.

Gastehûs
365 dagen yn it jier kinne jo by Het Lage Noorden oernachtsje yn ien fan de fiif sfearfolle keamers, los of mei in groep yn it hiele hûs. Foar in pear nachten of foar in pear moannen. Yn ús gastehûs binne fiif romme keamers (20–35 m²) mei eigen sanitêr, in mienskiplike wenkeuken, in terras en in prachtich útsjoch.

Duorsumensynformaasje

Bij Het Lage Noorden staat duurzaamheid hoog in het vaandel!

Op dizze side stiet feitlike ynformaasje oer duorsume karren en maatregels fan de ûndernimmer of organisator. Dizze webside jout gjin keurmerk en docht gjin sertifisearring.

Fersterkjen fan biodiversiteit

Wy brûke allinnich ekologyske skjinmakmiddelen. Dêrneist meanje wy ûnkrûd en strûken op ferskillende hichten.
Duorsum gebrûk fan wetter

Reinwetter wurdt opfongen en ôffalwetter wurdt filtere mei help fan in IBA-systeem.
Duorsume enerzjyboarnen

Foar it opwekken fan enerzjy meitsje wy gebrûk fan 108 sinnepanielen.
Gebrûk fan materialen

Yn ús bedriuw brûke wy in soad restmaterialen en brûkte meubels.
Jild as middel foar it kreëarjen fan sosjale en ekologyske wearde

Keunstners kinne de boppeneamde tema’s op in weardefrije wize oan ’e oarder stelle.
Fersterkjen fan maatskippij en kultuer

Wy brûke safolle mooglik lokale yngrediïnten en litte minsken yn ’e kunde komme mei keunst.