Bier brouwe út passy foar it fak en foar de stêd Snits foarmet de basis fan Stadsbrouwerij Sneek. De brouwerij wurket mei eigen reseptueren en brûkt graach yngrediïnten dy't ferbûn binne mei Snits en de omjouwing.
De missy is om wille en mienskip yn de stêd te stimulearjen. Op elke earste freed fan de moanne is de brouwerij iepen foar in gesellige jûn mei lokaal broud bier en bysûndere ferhalen.
It begûn allegear mei in idee: wat mist Snits noch? It antwurd wie in eigen stedsbrouwerij. Ut Bierbrouwerij De Waterpoart ûntstie letter Stadsbrouwerij Sneek.
Mei stipe fan Grand Café De Walrus krigen de brouwers in plak om nije bieren te ûntwikkeljen en te testen. De saneamde "kraamkamer" groeide úteinlik út ta in folweardige mikrobrouwerij dêr't de leafde foar bier en de stêd byinoar komme.
