Hylpen
-
Hindeloopen
Hylpen is in lytse stêd yn it súdwesten fan Fryslân. Dizze stêd leit oan De Iselmar en biedt dan ek in soad mooglikheden op it mêd fan wettersport. Mei goed 900 ynwenners is Hylpen ek ien fan de lytsere stêden fan Fryslân. Fynst it Frysk al dreech om te ferstean? Yn Hylpen prate se in sterk ôfwikend dialekt. Dit dialekt behâldt de midsiuwske klinkers en hat dêrtroch in hiel ûnderskiedende klank.
Yn 1225 krige Hylpen har eigen stedsrjochten. Best nuver eins, mei sa’n bytsje ynwenners. Dochs wie Hylpen in wichtich hannelsplak, mei in ree yn de Súdersee. De skippers fan Hylpen fearnen mei harren skippen nei de Eastsee om hannel te driuwen en ferkochten dêr jenever en wollen sloffen. Hylpen hat yn de 17e en 18e iuw in grutte bloeiperioade meimakke. Dit is ek wol werom te sjen, de stêd bestiet út in protte moaie gebouwen en bysûnderheden. Hylpen hie foarhinne har eigen klederdracht. Tsjintwurdich is dizze klaaiing allinne noch te bewûnderjen ûnder optredens en demonstraasjes.
-
It Earste Fryske Reedrydmuseum
Al iuwen bine de Friezen de izers ûnder sadree’t it ferzen hat. Net foar neat is de nammebekendheid fan de Alvestêdetocht krekt sa heech as dy fan Fryslân. Yn Hylpen stiet it Earste Fryske Reedrydmuseum. In geweldich plak om alles oer dit prachtige ‘ferfiersmiddel’ werom te sjen.
-
Museum Hylpen
Te besykjen
Hylpen is lyts, mar stiet har mantsje tusken de alve stêden. De Hylper skilderkeunst is oer de hiele wrâld bekend, mar ek de skipfeart en klederdracht út dizze stêd binne prachtich. Yn Museum Hylpen fynst hjiroer alles watst witte wolst.
Besjoch ek ien fan de oare tsien stêden
-
Dokkum
Dokkum
-
Frjentsjer
Frjentsjer
-
Drylts
Drylts
