Sleat

Wolkom yn de lytste fan de alve stêden. Oan de Sleattemer Mar, yn gemeente De Fryske Marren, leit dizze prachtige stêd mei mar 760 ynwenners. Foarhinne wie it stedsje fan tige strategysk belang om’t it oan in wichtige wetterwei fan Snits nei de Súdersee lei. Tsjintwurdich is dat net mear it gefal, mar Sleat is noch wol altyd bot yn trek by wettersporters, deitoeristen en minsken dy’t yn in rêstige omjouwing wenje wolle. Yn it súden fan ‘e stêd leit in jachthaven en Sleat hat twa wetterpoarten. De binnenstêd is smout en smûk en der binne in protte âlde, prachtige wenhûzen te finen.

Oernachtsje, útsjes en aktiviteiten - yn Sleat