Snits stiet kwa grutte op it tredde plak yn de provinsje en leit yn de gemeente Sûdwest Fryslân. De stêd telt likernôch 33.000 ynwenners. Mei de sintrale lizzing yn it marregebiet fan Fryslân is it wol dúdlik dat dit in wiere wetterstêd is. It hat in sintrale funksje foar de regio súdwest en hat sels yn de 15e iuw de titel haadstêd drage mochten. Der is in soad te dwaan wat de wettersport oanbelanget, mar ek foar kultuer, gesellichheid en smûke ythúskes bist yn Snits op it juste plak.
